BERRIA txapelketa Hernanin eta Donostian

PILOTA. Aurrera doaz VIII. BERRIA Txapelketako final-zortzirenak. Gaur, Hernaniko frontoian (Gipuzkoa), etxeko taldea eta Huarte izango dira nor baino nor (21:00). Igandean, 11:00etan, Markinaren eta Burlatako Zugarralde taldearen arteko kanporaketa jokatuko da Donostiako Altza auzoko frontoian. Irabazleak elkarren aurka ariko dira final-laurdenetan.