Betiseko entrenatzaile kargua utzi du Iruretak

Espainiako Betis taldeko entrenatzaile izateari utzi dio Jabier Irureta gipuzkoarrak. Erabakia talde zuzendaritzaren eta bere artean hartu dutela esan du Iruretak, baina lehen urratsa berak eman duela argitu du: "Ados jarrita hartu dugu kontratua bertan behera uzteko erabakia, baina lehen urratsa nik eman dut. Horrela jarrai genezakeen, baina ez litzateke ona izango".