Bi hilabeteren ondoren, Zeberio gaur itzuliko da

ERREMONTEA. Patxi Zeberio gaur itzuliko da jaialdietara, Galarretan, bi hilabete min hartuta egon ondoren. Elduaingoak abuztuaren 13an min hartu zuen, Utergaren aurkako partida batean, eta hartaz geroztik eskuin besoko oinazea erabat sendatu ezinik ibili da. Min hartu aurretik sasoi onean zegoen, eta orain sasoi hori harrapatzea du helburu. Lizaso izango du lagun, eta Juaristi eta Etxeberria III.a aurkari.