Bi txapel banatuko dira bihar Arrigorriagan

SOKATIRA. Euskadiko goma gaineko txapelketako azken saioa jokatuko da bihar, 17:00etan, Arrigorriagan (Bizkaia). Gizonezkoen 560 kiloko mailan, saio erabakigarria jokatuko da. Zortzi taldek hartuko dute parte. Emakumezkoetan, berriz, 500 kiloko hirugarren eta azken saioa jokatuko da. Badaiotz da lehena sailkapenean, hamar punturekin.