Bihar jarriko dituzte salgai Bilbon derbirako sarrerak

ATHLETIC. Derbirako sarreren salmentari bihar ekingo dio Athleticek. Guztira 600 sarrera jaso dituen arren, 350 jarriko dituzte San Mameseko txarteldegietan, bazkideentzat —150 sarrera 85 eurokoak eta 200 50 eurokoak—. Sarrera horiek eskuratzeko ordutegia 10:00etatik 13:00ak arte izango da, eta beharrezkoa izango da bazkide-txartela erakustea.