David Moyes Realeko entrenatzaileak William Alexander Billy McKinlay izango du laguntzaile. Haiekin batera lantaldea osatuko dute Asier Santana teknikoak, Karla Larburu prestatzaile fisikoak eta Roberto Navajas atezainen prestatzaileak. Imanol Alguacilek Realeko bigarren taldea zuzenduko du.
McKinlayk 45 urte ditu, eta ibilbide luzea futbolari bezala. Dundee United, Blackburn Rovers, Leicester City, Bradford City, Preston North End, Clydebank eta Fulhamen jokatu zuen. Gainera, Eskoziako selekzioarekin 29 partida jokatu zituen.
Entrenatzaile gisa, Fulhamen erreserba taldean hasi zen. Laguntzailea izan zen Ipar Irlandako selekzioan eta Watforden. Fulham eta Watfordeko lehen taldeak ere zuzendu zituen.
