Binakakoaren bi partida jokatuko dira gaur, Bilbon eta Tolosan

Enpresen arteko lehiak jarraipena izango du gaur, eta 3. jardunaldiari dagokion bi neurketa erakargarri jokatuko dira. Titin III.a-Merino II.aren eta Olaizola II.a-Beroizen artekoa Bilbon izango da (17:15). Asegarcekoak dira faborito, orain arteko bi lehiatan itxura ona eskaini baitute, baina ez dira gehiegi fio errioxarrekin. Tolosan, berriz, Xala eta Laskurain Berasaluze VIII.aren eta Albisuren kontra ariko dira nor baino nor gehiago (16:30). Bi bikoteei on egingo lieke garaipenak.

Bestalde, AritzBeginok beste lau urterako luzatu zuen atzo lan hitzarmena, Asegarcerekin. Hala, 2015. urte amaiera arte atzelari sendo bat lotuta utzi du Bilboko enpresak.