Bolt: «100 metroak 9,5 segundotan egin daitezke»

ATLETISMOA. Usain Boltek 100 metroetako bere munduko marka (9,58 segundo) hobetu daitekeela uste du:«100 metroak 9,5 segundotan egin daitezke; norbaitek lortuko du. 9,4 segundotan egin daitezkeela ere esan nuen; hortik aurrera, baina, ezinezkoa izango da hobetzea». Aurten 200 metroetan lehiatu da, eta munduko txapelketak prestatzen dihardu. Era berean, oraingoz ez du asmorik luzerako jauzian hasteko.