Boltek urre gehiago oparitu dio Jamaikari

Berlingo Munduko Atletismo Txapelketako domina taulak aldaketa izan zuen atzokoan. Jamaikak AEBei aurre hartu dio eta horren erantzule nagusia Usain Bolt korrikalaria da, atzo beste urrezko domina bat "erraz" irabazi zuelako 200 metroko finalean.

Beraz, Jamaika da urrezko domina gehien dituen herrialdea (5 urrezko, 2 zilarrezko eta 2 brontzezko). AEBak bigarren postuan daude urrezko 4 dominarekin, zilarrezkoak 4 eta brontzezkoak 5. Errusiak, berriz, 3 urrezko, 2 zilarrezko eta 5 brontzezko lortu ditu.