Pretoriako Auzitegi Nagusiko Thokozile Masipa epaileak ebatzi du Oscar Pistorius Hegoafrikako atletak Reeva Steenkamp bikotekidea hil zuela, eta bost urteko zigorra ezarri dio. Pretoriako espetxean sartu dute.
Iazko otsailean, hilik topatu zuten Steenkamp, Pistoriusen etxean. Hasiera batean, Pistoriusek lapur batekin nahastuta tiro egin ziola zabaldu zen, baina lehen ikerketen ondoren Poliziak atletaren aurkako akusazioa egin eta atxilotu zuen, genero indarkeria egotzita. Sei hilabete baino gehiago iraun du epaiketak.
