Boston Celtics da NBAko txapeldun berria, gaur finaleko seigarren partidan Los Angeles Lakersi 131-92 irabazi ondoren. 4-2 bukatu dute finala. NBAko bere hamazazpigarren titulua du Bostonek; azkena 1986an lortu zuen.
Kevin Garnett pibota (26 puntu eta 14 errebote), Ray Allen (26 puntu) eta Paul Pierce (17 puntu eta 10 asistentzia) hegalak, eta Rajon Rondo basea (21 puntu) izan dira Bostoneko jokalaririk onenak. Lakersekoak: Kobe Bryant hegala (22 puntu), eta Lamar Odom (14 puntu) eta Pau Gasol (11 puntu eta 8 errebote) pibotak.
24-20 bukatu dute lehen laurdena, eta bigarrengoan egin du ihes Bostonek; 58-35 joan dira atsedenera. Handik aurrera lasai aritu dira etxekoak (79-48, 104-70 eta 131-92).
Saskibaloia
Boston Celtics, NBAko txapeldun
Finaleko seigarren partidan 131-92 irabazi dio Los Angeles Lakersi, bart. 4-2 bukatu dute. 1986an lortu zuen azkeneko titulua.
Iruzkinak
Ez dago iruzkinik
Ordenatu
