Bradl, Moto2ko munduko txapeldun

MOTOZIKLISMOA. Stefan Bradl alemaniarrak (Kalex) Munduko Txapelketako azken proban aritu aurretik irabazi du Moto2ko titulua, Marc Marquez kataluniarra (Suter), bigarren sailkatua, ez baita Valentziako Sari Nagusian lehiatuko, min hartuta baitago. Bestalde, Efren Vazquez (Derbi) 13. izan zen atzo, eta Dani Ruiz (Honda) ez zen sailkatu gaurko lehiarako.