Frantziako Tourra
Bradley McGee da Frantziako Tourreko lehen liderra
Bradley McGee austrialarrak irabazi du gaur Parisen abiatuko Frantziako Tourreko aitzin etapa. McGeek 7 minutu eta 26 segundu behar izan ditu 6,7 kilometroko lehen etapa osatzeko, eta bera da mendeurreneko Tourreko lehen liderra. Haimar Zubeldia usurbildarra hirugarren postuan sailkatu da, irabazlearengandik bi segundura.
David Millar Cofidis taldeko britainiarrak lortu du bigarren postua. Millarrek irabazlearen denbora bera behar izan du ibilbidea osatzeko, baina ehunenekoek erabaki dute nork jantzi elastiko horia. Haimar Zubeldia Euskaltel-Euskadiko txirrindulariak erlojupeko bikaina borobildu du, eta denbora luzez lehen postuan egon eta gero, irabazleak baino 2 segundu gehiago behar izan ditu (7.28). Jan Ullrichek Zubeldiaren denbora bera lortu du, eta bosgarren postuan US Postal taldeko Victor Hugo Peñak eskuratu du (7.32).
Iruzkinak
Ez dago iruzkinik
Ordenatu
