FIFAk gaur jakinarazi duenez, 2014. urteko gizonezko helduen Mundu Txapelketa Brasilen jokatuko da. "Aho batez" hartu dute erabaki hori Nazioarteko Futbol Federazioko (FIFA) zuzendaritzaren kideek.
Erabakiaren aurretik euren proiektua aurkeztu dute brasildarrek. Haien artean izan dira Luiz Inacio Lula da Silva Brasilgo Gobernuaren presidentea, Ricardo Teixeira Futbol Konfederazioaren presidentea, Paulo Coelho idazlea, Romario futbolaria eta Carlos Dunga gizonezko helduen selekzioaren hautatzailea. Joseph Blatter FIFAren buruari "bikaina" iruditu zaio Brasilen aurkezpena.
Duela hogei urte jokatu zuten azkeneko Mundu Txapelketa Ameriketan: 1994an, Ameriketako Estatu Batuetan. Brasilek irabazi zuen, gainera. Orduan ez ezik, 1958, 1962, 1970 eta 2002an ere lortu zuen titulua; bera da gehien irabazi duena.
Zazpi aldiz jokatu da txapelketa Ameriketan. 1950ean Brasilen bertan -hango selekzioak 1-2 galdu zuen finala, Uruguairen kontra-; bigarren aldiz antolatuko du, beraz, zazpi urte barru.
2010ekoa Hegoafrikan izango da.
Futbola
Brasilen jokatuko da 2014ko Mundu Txapelketa
1950ean ere antolatu zuen.
Iruzkinak
Ez dago iruzkinik
Ordenatu
