Buesa Arenako lanak bizkortzea «ezinezkoa» da

SASKIBALOIA. Claudio Rodriguez Arabako Aldundiko bozeramaileak atzo adierazi zuenez, «ezinezkoa» da Buesa Arenako berritze lanen iraupena murriztea. Rodriguezek esan zuenez, lanek 15 hilabete beharko dituzte, «lan erraldoia» delako. Bozeramaileak, hala, Josean Kerejetari erantzun dio, Baskoniako presidentea kexu agertu delako hiru hilabetez pabiloitik kanpo jokatzeak sortuko dituen galera ekonomikoengatik.