Caroline Wozniacki Australiako Irekitik kanpo geratu da

Rafa Nadal eta Roger Federer elkarren aurka ariko dira Australiako Irekiko finalerdietan. Ez zuten hutsik egin atzo jokatutakofinal-laurdenetan, eta erraz menderatu zituzten euren aurkariak. Nadalek lau set behar izan zituen Toma Berdychi irabazteko (6-7, 7-6, 6-4 eta 6-3). Hasieran kosta egin zitzaion partidan sartzen balearrari, baina gero ongi aritu zen. Federerrek izerdi gutxiago bota behar izan zuen Juan Martin del Potro kanporatzeko (6-4, 6-3 eta 6-2). Suitzarrak indartsu dagoela erakutsi zuen, eta titulua irabazteko hautagai nagusienetako bat dela. Errekor bat ere egin zuen, profesional mailako milagarren partida jokatu baitzuen. Historian zazpi dira berak baino neurketa gehiago jokatu duten tenislariak.

Emakumezkoetan, Caroline Wozniackik ezustea eman zuen, Kim Clijsterren kontra 6-3 eta 7-6 galduta. Finalerdietako beste postua Victoria Azarenkarentzat izan zen, Agnieszka Radwanskari irabazi baitzion (6-7, 6-0 eta 6-2).