Aldrebeskeria handirik egon edo gertatu ezean, Castro Urdialesera (Kantabria, Espainia) joango da aurten Kontxako Bandera. Izan ere, itzelezko estropada egin zuen Castroko La Marinera ontziak atzo, lehen jardunaldian; batik bat, ziabogatik itzulera olatuen gainean hegan bezala egin zuen Juan Mari Etxaberen taldeak. Horrenbestez, 18 segundo pasatxoko abantaila atera zion Urdaibairi, bigarrenari.
Gainerako traineruen artean parekatuago ibili ziren gauzak: esan bezala, 18.08 segundoko aldea atera zion Castrok Urdaibairi, 10.06koa Astillero hirugarrenari eta 24.76koa laugarrenari. Horrenbestez, lau traineru horiek lehiatuko dira datorren igandean ohorezko txandan.
Bosgarren Hondarribia izan zen (31.06ra), seigarren San Pedro (32.54ra), zazpigarren Tiran (minutu eta zazpi segundora) eta zortzigarren Donostiarra (bi minutu eta 18 segundora).
Atzo, Astillerok, Hondarribiak, Tiranek eta Donostiarrak egin zuten arraunean lehen txandan. Castrok, Urdaibaik, Oriok eta San Pedrok, berriz, bigarrenean.
Arrauna
Castrok ia erabakita utzi du Kontxako Bandera lehen jardunaldian
Estropada bikaina egin zuen atzo, eta 18 segundoko abantaila atera zion Urdaibairi, bigarrenari.
Iruzkinak
Ez dago iruzkinik
Ordenatu
