Cavendish irabazle esprintean

Mark Cavendish-ek (HTC Columbia) irabazi du gaur arratsaldean Espainiako Vueltako 12. etapa: Andorra-Lleida (172,5 kilometro). Esprintean bukatu da eta aise nagusitu da. Vueltako lehen garaipena du Cavendishek. Hura izan zen probako aurreneko liderra, Sevillako taldekako erlojupekoa HTC Columbiak irabazita. Aurtengo Tourrean bost etapa eskuratu ditu.

Igor Antonek (Euskaltel-Euskadi) segitzen du lider. Hurrengo laurak: Vincenzo Nibali 45era dago, Xavier Tondo 1.04ra, Joaquim Rodriguez 1.17ra,Ezequiel Mosquera 1.29ra.

Bihar korrituko dute itzuliko 13. etapa: Rincon de Soto-Burgos(196 kilometro). Hirugarren mailako bi mendate izango dituzte. Larunbatean, igandean eta astelehenean, mendiko etapak.

Hilaren 19an bukatuko da Vuelta, Madrilen. Etapa denen ezaugarriak, hemen.

Orain arteko etapak

- 1. etapa: Sevilla-Sevilla. Irabazlea: Team HTC-Columbia. Liderra: Mark Cavendish.

- 2. etapa: Alcala de Guadaira-Marbella. Irabazlea: Yauheni Hutarovitx. Liderra: Mark Cavendish.

- 3. etapa: Marbella-Malaga. Irabazlea: Philippe Gilbert. Liderra: Philippe Gilbert.

- 4. etapa: Malaga-Valdepeñas de Jaen. Irabazlea: Igor Anton. Liderra: Philippe Gilbert.

- 5. etapa: Guadix-Lorca. Irabazlea: Tyler Farrar. Liderra: Philippe Gilbert.

- 6. etapa: Carabaca de la Cruz-Murtzia. Irabazlea: Thor Hushovd. Liderra: Philippe Gilbert.

- 7. etapa: Murtzia-Orihuela. Irabazlea: Alessandro Petacchi. Liderra: Philippe Gilbert.

- 8. etapa: Villena-Xorret de Cati. Irabazlea: David Moncoutie. Liderra: Igor Anton.

- 9. etapa: Calpe-Alcoy. Irabazlea: David Lopez. Liderra: Igor Anton.

- 10. etapa: Tarragona-Vilanova i la Geltru. Irabazlea: Imanol Erbiti. Liderra: Joaquim Rodriguez.

- 11. etapa: Vilanova i la Geltru-Andorra. Irabazlea: Igor Anton. Liderra: Igor Anton.

- 12. etapa: Andorra-Lleida. Irabazlea: Mark Cavendish. Liderra: Igor Anton.