Mark Cavendish-ek (Sky) irabazi du Italiako Giroko 13. etapa, esprintean. Ozta- ozta gailendu zaie helmugan Alexander Kristoff (Katush) eta Mark Renshaw (Rabobank) txirrindulariei, bigarrena eta hirugarrena, hurrenez hurren. Cavendish-ek Giroan lortzen duen hirugarren garaipena izan da gaurkoa.
Sailkapen nagusian Joaquim Rodriguezek jarraitzen du lider. Ryder Hesjedal doa bigarren, hamazazpi segundora, eta orain hirugarren Sandy Casar gaurko iheskideetako bat dago, 26ra.
Giroko etaparik motzena izan da gaurkoa, 121 kilometrorekin. Laugarren mailako mendate bat izan dute. Bihar korrituko dute 14. etapa: Cherasco-Cervinia (206 kilometro). Bihar eta etzi mendiko etapak izango dira.
Orain arteko etapak
- 1. etapa: Herning-Herning. Irabazlea: Taylor Phinney. Liderra: Taylor Phinney.
- 2. etapa: Herning-Herning. Irabazlea: Mark Cavendish. Liderra: Taylor Phinney.
- 3. etapa: Horsens-Horsens. Irabazlea: Matthew Goss. Liderra: Taylor Phinney.
- 4. etapa: Verona-Verona. Irabazlea: Garmin taldea. Liderra: Ramunas Navardauskas.
- 5. etapa: Modena-Fano. Irabazlea: Mark Cavendish. Liderra: Ramunas Navardauskas.
- 6. etapa: Urbino-Porto Sant'Elpidio. Irabazlea: Miguel Angel Rubiano. Liderra: Adriano Malori.
- 7. etapa: Recanati-Rocca di Cambio. Irabazlea: Paolo Tiralongo. Liderra: Ryder Hesjedal.
- 8. etapa: Sulmona-Laceno. Irabazlea: Domenico Pozzovivo. Liderra: Ryder Hesjedal.
- 9. etapa: San Giorgio Nel Sannio-Frosinone. Irabazlea: Francisco Ventoso. Liderra: R. Hesjedal.
- 10. etapa: Civitavecchia-Assisi. Irabazlea: Joaquim Rodriguez. Liderra: Joaquim Rodriguez.
- 11. etapa: Assisi-Montecatini Terme. Irabazlea: Roberto Ferrari. Liderra: Joaquim Rodriguez.
- 12. etapa: Seravezza-Sestri Levante. Irabazlea: Lars Ytting Bak. Liderra: Joaquim Rodriguez. - 13. etapa: Savona-Cervere. Irabazlea: Mark Cavendish. Liderra: Joaquim Rodriguez.
