Chris Froomek (Sky) erlojupeko bikaina egin du eta kolpe handia eman dio Frantziako Tourreko sailkapen nagusiari. Ingelesak, bigarren Tom Dumoulin irabazlearen ondoren (1.03ra), indar erakustaldia eman du eta bi minututik gorako aldea lortu du Nairo Quintana (Movistar) eta Adam Yatesekiko (Orica). Sailkapen nagusiko izen handien artean Bauke Mollemak (Trek) bakarrik eutsi dio Froomeri, eta hala ere 51 segundo galdu ditu.
Gauzak hala, Froome dago sailkapen nagusiko buruan eta Mollema da bigarren, 1.47ra. Yates da hirugarren 2.45era, eta Quintana laugarren, 2.59ra.
