Contador jarri da lider

Alberto Contadorrek (Astana) jantzi du gaur Frantziako Tourreko maillot horia. Andy Schlecki (Saxo Bank) katea atera zaio Bales mendian gora erasoa jo duenean -etapako azkeneko mendatean; 21 kilometrora zuten gaina- eta 39 segundo galdu ditu helmugan.

Sailkapen nagusian zortzi segundora dago orain Schleck Contadorrengandik, eta Samuel Sanchez Euskaltel-Euskadiko txirrindularia bi minutura, hirugarren.

Thomas Voeckler (Box Bouygues Telecom) Frantziako txapeldunak irabazi du etapa, itzuliko 15.a -Pamiers-Bagneres de Luchon, 187 kilometro-; ihes eginda heldu da. Aitor Perez Arrieta zegamarra (Footon-Servetto) hirugarren sartu da.

Emozio handikoa izan da gaurko etapa, eta emozio handikoak izan daitezke hurrengoak ere. Izan ere, biharko etapa menditsua da, asteazkenean atseden eguna izango dute etaostegunean berriz ere mendia -Tourmaleten izango du amaiera -. Larunbatean, 19. etapan, erlojuaren aurka 52 kilometro egin beharko dituzte. Eta igandean bukatuko da Frantziako Tourra.

Bihar, beraz, 16. etapa, Bagneres de Luchonen hasi eta Pauen bukatuko da 199,5 kilometro egin ondoren. Bidean, lehen mailako bi mendate eta maila bereziko bi igo beharko dituzte -Tourmalet eta Aubisqueko gaina, hau helmugatik 60 kilometrora-.

Orain arteko etapak

- Aitzin-etapa: Rotterdam-Rotterdam. Irabazlea: Fabian Cancellara. Liderra: Fabian Cancellara.

- 1. etapa: Rotterdam-Brusela. Irabazlea: Alessandro Petacchi. Liderra: Fabian Cancellara.

- 2. etapa: Brusela-Spa. Irabazlea: Sylvain Chavanel. Liderra: Sylvain Chavanel.

- 3. etapa: Wanze-Porte du Hainaut. Irabazlea: Thor Hushovd. Liderra: Fabian Cancellara.

- 4. etapa: Cambrai-Reims. Irabazlea: Alessandro Petacchi. Liderra: Fabian Cancellara.

- 5. etapa: Epernay-Montargis. Irabazlea: Mark Cavendish. Liderra: Fabian Cancellara.

- 6. etapa: Montargis-Gueugnon. Irabazlea: Mark Cavendish. Liderra: Fabian Cancellara.

- 7. etapa: Tournus-Rousses. Irabazlea: Sylvaine Chavanel. Liderra: Sylvaine Chavanel.

- 8. etapa: Rousses-Morzine Avoriaz. Irabazlea: Andy Schleck. Liderra: Cadel Evans.

- 9. etapa: Morzine Avoriaz-S. Jean de Maurienne. Irabazlea: Sandy Casar. Liderra: Andy Schleck.

- 10. etapa: Chambery-Gap. Irabazlea: Sergio Paulinho. Liderra: Andy Schleck.

- 11. etapa: Sisteron-Bourg les Valence. Irabazlea: Mark Cavendish. Liderra: Andy Schleck.

- 12. etapa: Bourg de Peage-Mende. Irabazlea: Joaquim Rodriguez. Liderra: Andy Schleck.

- 13. etapa: Rodez-Revel. Irabazlea: Aleksandr Vinokurov. Liderra: Andy Schleck.

- 14. etapa: Revel-Ax 3 Domaines. Irabazlea: Christoph Riblon. Liderra: Andy Schleck.

- 15. etapa: Pamiers-Bagneres de Luchon. Irabazlea: Thomas Voeckler. Liderra: Alberto Contador.