David Lopez txirrindulari barakaldoarrak (Caisse d'Epargne) irabazi du gaurko etapa Espainiako Vueltan, Calpe eta Alcoy arteko 187 kilometrokoa. Ia etapa amaieran, Revolcat gainetik jaitsierakoan, ihes egitea lortu du, eta helmugara bakarrik sartzea. Roman Kreuziger (Liquigas) txekiarra izan da bigarren eta Gianpaolo Caruso (Katuxa) hirugarren.
Lider, berriz, Igor Anton galdakoztarrak (Euskaltel-Euskadi) jarraitzen du, estu bada ere, sailkapen nagusian bigarren den Joaquim Rodriguezen erasoari eustea lortu ondoren. Irabazlea baino 7 minutu eta 2 segundo beranduago sartu da Antonen taldea, faboritoena.
Bihar atseden eguna izango dute.
Orain arteko etapak
- 1. etapa: Sevilla-Sevilla. Irabazlea: Team HTC-Columbia. Liderra: Mark Cavendish.
- 2. etapa: Alcala de Guadaira-Marbella. Irabazlea: Yauheni Hutarovitx. Liderra: Mark Cavendish.
- 3. etapa: Marbella-Malaga. Irabazlea: Philippe Gilbert. Liderra: Philippe Gilbert.
- 4. etapa: Malaga-Valdepeñas de Jaen. Irabazlea: Igor Anton. Liderra: Philippe Gilbert.
- 5. etapa: Guadix-Lorca. Irabazlea: Tyler Farrar. Liderra: Philippe Gilbert.
- 6. etapa: Carabaca de la Cruz-Murtzia. Irabazlea: Thor Hushovd. Liderra: Philippe Gilbert.
- 7. etapa: Murtzia-Orihuela. Irabazlea: Alessandro Petacchi. Liderra: Philippe Gilbert.
- 8. etapa: Villena-Xorret de Cati. Irabazlea: David Moncoutie. Liderra: Igor Anton.
- 9. etapa: Calpe-Alcoy. Irabazlea: David Lopez. Liderra: Igor Anton.
Espainako Vuelta
David Lopez barakaldoarrak irabazi du bederatzigarren etapa
Igor Anton galdakoztarrak jarraitzen du lider. Bihar, atsedena.
Iruzkinak
Ez dago iruzkinik
Ordenatu
