Derbirako sarrerak gaur eta bihar jarriko dituzte salgai

Gaur eta bihar jarriko dituzte salgai igande honetan 19:00etan Osasunak eta Realak Sadarren jokatuko duten derbirako sarrerak . Sadarren, gaur 09:30ean irekiko dute txarteldegia, eta sarrerak agortu arte salduko dituzte. Bazkideek bazkide ez den sarrera bat erosi ahal izango dute euren txartelarekin, baina ezingo dute bi txartel baino gehiago erabili. Hamar eurokoa da bazkide ez den sarreraren salneurria. Anoetako txarteldegiko 6. lehiatilan, berriz, ehun sarrera jarriko dituzte salgai bihar 09:00etan. Bazkideek bakarrik ahal izango dituzte erosi, 40 euroren truke. Bazkide bakoitzak txartel bakarra erabili ahal izango du, eta gehienez bi sarrera ahal izango ditu erosi.