Desafioa eta finala Abadiñoko sanblasetan

TRINKETA. Hego Euskal Herrian Abadiño da trinket tradizio handiena duen herrietako bat, eta egunotan, San Blas jaietan, ez da eskaintzarik falta. Igandean Gonzalez-Martinek Gandiaga II.a-Antxiaren aurka jokatuko dute San Blas torneoko finalean (11:00), eta aurretik, bihar (17:00), gazte mailako Iparraldearen eta Bizkaiaren arteko desafioa jokatuko da.