Tirunesh Dibabak (Etiopia, 1985) irabazi du berriro, Pekinen bezala, 10.000 metroetako olinpiar urrea, eta nola! Ikuskizuna eman du. Azken 500 metroak arte aguantatzen eta kenyarrak kontrolatzen joan da, helmugarako kilometro erdia falta zela erasoa jo du, eta bigarrenari 60ren bat metroko aldea atera dio. Azken itzuli handia egin du.
Karreraren hasieran hiru japoniarrek jarri dute erritmoa. Bizpahiru kilometroan izan dira aurrean. Azkeneko lau mila metroetan bi etiopiar eta bi kenyar geratu dira aurrean, bakarrik. Kipyego saiatu da beste erritmo bat jartzen, baina Dibabak ondo neurtu ditu indarrak, eta bukaeran aise nagusitu da.
1. Tirunesh Dibaba (Etiopia). 30.20.75.
2. Sally Jepkosgei Kipyego (Kenya). 30:26.37.
3. Vivian Jepkemoi Cheruiyot (Kenya). 30:30.44
Majewski irabazle pisu jaurtiketan, Pekinen bezala
Pekingo Jokoetan legez, Tomasz Majewski (Polonia, 1981) izan da pisu jaurtiketako olinpiar txapelduna Londresen, 21,89 metroko marka egin da. Atletismoko lehen finala izan da.
Majewski oso erregular aritu da finalean, sei jaurtiketetatik bostetan gainditu baitu 21 metroko marra: 21,19, 21,72, 21,87, 21,72 eta azkenekoan 21,89. Batean jaurtiketa baliogabea egin du.
1. Tomasz Majewski (Polonia). 21,89 metro.
2. David Storl (Alemania). 21,86.
3. Reese Hoffa (AEB). 21,23.
