Pistako txirrindularitzako taldekako abiaduran diploma olinpiarra lortu du Tania Calvo gasteiztarrak, Helena Casasekin batera. Bederatzi bikote zeuden lehian, eta zortzirentzat zegoen lekua sailkapen fasean; zortzigarren sailkatu dira Calvo eta Casas.
Hurrengo fasean, Txina izan dute aurkari. Arerioaren maila neurtzeko, bi datu: munduko marka apurtu du, eta urrea irabazi. Calvok eta Casasek eginiko 33.531 segundoko denbora ez da nahikoa izan Txinako bikotea gainditzeko, eta zazpigarren postuan amaitu dute proba.
