Osasunak gaur jokatuko du egonaldiko lehen lagunartekoa. VVV Venloren aurka ariko da, Venloko De Koel zelaian, 19:00etan. Jose Luis Mendilibarrek 24 jokalari eraman ditu egonaldira, eta ez du jakinarazi zein izango den hamaikakoa gaurko partidan.
Talde gorritxoa atzo hasi zen entrenatzen, Ermelon. Lehen bi lan saioetan jokalari guztiek hartu zuten parte, denboraldi-aurrean lehenengoz. Osasuna abuztuaren 5era bitartean izango da bertan. Beste hiru lagunarteko ere jokatuko ditu: De Graafschapen (uztailak 31), Groningenen (abuztuak 2) eta Heracles Almeloren aurka (abuztuak 4).
Egonaldiko lehen partida jokatuko du Osasunak, VVV Venloren aurka
Taldea Herbehereetan hasi da entrenatzen, eta lagunartekoa du gaur, jokatuko dituen lauretan lehena
Iruzkinak
Ez dago iruzkinik
Ordenatu
