Eli Pinedo fitxatu du Bera Berak datorren sasoirako

ESKUBALOIA. Danimarkako Odense taldean ari da egun, baina heldu den denboraldian Bera Bera taldean jokatuko du Eli Pinedok (Amurrio, Araba, 1981). Donostiako taldean egin zuen debuta Pinedok, Ribarroja, Sagunt eta Itxako taldeetan aritu zen gero, eta Donostiara bueltatuko da berriz. Ostiralean sinatuko du kontratua, eta uztailaren 1etik aurrera hasiko da lanean, printzipioz, urtebetez.