Eneko Llanos «sasoi betean» dago Hawaiirako

TRIATLOIA. Heldu den urriaren 9an jokatuko da Hawaiiko Ironmana, diziplina horretako probarik gogorrena eta entzutetsuena. Eta han izango da bosgarren aldiz Eneko Llanos. Triatleta gasteiztarrak atzo esan zuen «prestaketa aproposa» egin duela eta «sasoi betean» dagoela. Llanos bigarren izan zen 2008an. Iaz, ordea, tripako mina izan zuen lehiatzen ari zela, eta 14.a izan zen.