Alejandro Valverde
Movistar«Barruan neukan guztia eman dut, eta sufritutako garaipena izan da. Azken bi urteetan gaizki pasatu dut, eta momentu horiek ditut gogoan orain. Taldeak merezi zuen etapa bat irabaztea. Taldekideei eta Xavi Tondori eskaintzen diet».
Bradley Wiggins
Sky«Froome taldekide bikaina da, eta egunen batean Tourra irabaziko du. Nibali atzean utzi dugunean etaparen bila joan nahi zuen Froomek, baina ni ez nengoen ziur. Kontzentrazioa galdu dut, Tourra nirea dela pentsatzen aritu bainaiz».
Egoi Martinez
Euskaltel-Euskadi«Taldean oso harro gaude egin dugun Tourrarengatik. Lehen astetik bost txirrindulari besterik ez gaude, eta nabaritu egiten da. Dena den, ihesaldi onak harrapatu ditugu. Pena da Gorka Izagirrek eta nik sentsazio onak egun berean ez eduki izana».
Haimar Zubeldia
RadioShack«Egun txarra egokitu zait. Lehen mendatean sufritu ondoren, gorputzari buelta eman diot, baina azken aldapan hankek kale egin didate. Monfort nirekin geratu da, eta taldekide batekin nahikoa nuen. Erlojupeko ona egitea dut helburu orain».
