Thomas Voeckler
Europcar«Ez nuen uste hain ongi nengoenik. Izugarrizko ilusioa egin dit garaipenak, kritika asko jaso baititut azkenaldian. Ihes egiteko asmoa banuen, baina ez etapa irabazteko asmoz, mendiko maillotagatik baizik».
Luis Leon Sanchez
Rabobank«Uste nuen Scarponi zela iheslarietan indartsuena, eta hark erasoa jo zain egon naiz. Asmatu, ordea, Voecklerrek asmatu du. Segundo gutxian hartu beharreko erabakiak dira. Indartsuago nengoela uste nuen».
Haimar Zubeldia
RadioShack«Le Grand Colombierren gora erasoa jotzea ezinezkoa izan da. Sky jaun eta jabe da, eta hark aurrera egiteko baimena ematea ia miraria da. Azken aldapa txikian dezente sufritu dut, baina gustura nago egindako etaparekin».
Egoi Martinez
Euskaltel-Euskadi«Oso zaila izan da tropeletik ihes egitea, eta, behin lortuta, are zailagoa etapa irabazteko lehiatzea. Oso txirrindulari onak zeuden artean. Dena den, saiatzen jarraituko dugu indarra geratzen zaigun bitartean, etapa bat nahi dugu eta».
