ERREMONTEA . Altuna II.a onena Galarretako partida nagusian

Altuna II.a-Urko bikoteak irabazi zuen atzo Hernaniko Galarreta frontoian Bitoria-Etxaberen kontra jokatutako partida nagusia (33-40). Sasoiko dauden bi aurrelariren arteko lehiak sortu zuen atzo ikusmina, eta ongi aritu ziren benetan bai Garikoitz Altuna bai Xabier Bitoria. Irabazleak hasi ziren hobeto (0-10), erreakzionatu zuten galtzaileek Bitoriaren lan onari esker (24-24), baina ihes egin zuten berriro Altuna II.a-Urkok, eta ezinezkoa egin zitzaien haiek harrapatzea kontrarioei Etxabek ohi baino pilota gehiago galdu zituen azken txanpa horretan.