ESKU HUSKA . Belokik eta Goñi III.ak gaur aukeratuko dituzte pilotak Labriten (12:00)

Gaur goizean hasiko dira manomanistako hurrengo faserako pilota aukeraketak. Fernando Goñik eta Ruben Belokik Iruñeko Labriten egingo dute hautaketa (12:00). Partida larunbat arratsaldean jokatuko da. Oinatz Bengoetxeak eta Lasa III.ak bihar egingo dute aukeraketa, Labriten (11:30). Partida larunbatean jokatuko da. Asegarcek manomanistako bi partida programatu ditu Iruñeko larunbateko jaialdiarako. Imanol Agirreren eta Iñigo Pascualen arteko lehia ostiral gauean jokatuko da, Zeanurin. Hautaketa bihar arratsaldean egingo dute (16:30). Juantxo Kokak eta Sebastian Gonzalezek etzi egingo dute aukeraketa, Bergaran. Partida igande arratsaldean jokatuko da.