Espainiako Kopatik kanpo geratu da Athletic

FUTBOLA. Athleticek 3-0 galdu zuen atzo Bartzelonan, eta Espainiako Kopatik kanpo geratu zen. Zuri-gorriek 2-1 irabazi zuten joaneko partida, baina atzo partida hastearekin batera sartu zuen lehen gola Mari Pazek, 8. minutuan. Melanik lortu zuen 2-0ekoa, 24. minutuan, eta Anik 3-0ekoa, 45.ean. Athleticek jokalari bat gutxiagorekin jokatu zuen bigarren zatia, eta Tzibik penalti bat ere huts egin zuen 88. minutuan.