Oso ondo dagoela eta aurtengo Vuelta irabazteko hautagai nagusietakoa dela erakutsi du gaur Joaquim Rodriguez Katusha taldeko txirrindulari katalanak: Talavera de la Reina eta El Escorial arteko etapa menditsua irabazi du, eta, gainera, lidertza eskuratu du sailkapen orokorrean. Michele Scarponi izan da bigarren 9 segundora, eta Bauke Mollema frantziarra hirugarren 10 segundora.
Igor Anton izan da lehen euskal herritarra, seigarren, 15 segundora. Amets Txurrukak, berriz, ihesaldi ederra egin du, baina ezin izan du etapa eskuratu.
Bihar La Covatillako mendate ezaguna igo beharko dute bederatzigarren etapan.
