Ezin izan dio lehen mailari eutsi. Osasunak 2-1 irabazi zion atzo Betisi, baina jaisteko borrokan zeuden gainerako taldeen emaitzak ez ziren izan gorritxoek behar zituztenak.
Gogoz hasi zuen lehia Iruñeko taldeak, eta azkar hartu zuen aurre markagailuan. 12. minutuan, Oriol Riera bakarrik geratu zen atezainaren aurrean, eta hanka azpitik sartu zion gola.
Ospakizunean, Osasunak gola sartu zuen atearen atzeko hesi bat erori zen. Dozenaka lagun erori ziren zelaira, eta 68 zauritu ziren. Gehienak Sadarren bertan artatu zituzten, eta 11 erietxeratu. Ez daude larri.
Ordu erdiz egon zen jokoa geldirik. Berrekitean, Roberto Torresen jokaldi on bat baliatu zuen Acuñak bigarren gola egiteko. 14. minutua zen. Gainerako emaitzek, ordea, ez zuten laguntzen; Getafe 1-2 ari zen irabazten Rayo Vallecanoren kontra, eta Vallecasekoen gola behar zuten iruindarrek. Gol hori ez zen iritsi, ordea. Bai, ordea, Betisena, 70. minutuan.
Sailkapena:
15. Granada 41
16. Elx 40
17. Almeria 40
18. Osasuna 39
19. Valladolid 36
20. Betis 25
