Ezkurdia erabat osatu da, eta Untoriaren aurka aritzeko moduan dago

Joseba Ezkurdiak jokatu egingo du etzi 2. Mailako buruz buruko finalerdia Alvaro Untoriaren kontra, Astelena pilotalekuan, Eibarren. Arbizukoa ezker hankako orkatilako arazoekin ibili da azkenaldian, baina atzoko pilota aukeraketan proba egin zuen, eta jokatzea erabaki zuen. Hala, Aspekoa eta Asegarcekoa etziko jaialdiko lehen partidan ariko dira, eta finalean Jon Jaunarena izango dute zain.Bost hilabete besterik ez da Ezkurdiak profesional mailako debuta egin zuela, eta jada lehen finala jokatuko du. Atzo Idoaterekin entrenatu zen ordu erdiz, eta fresko eta konfiantzaz ikusi ahal izan zen.