Askotan gertatzen da kitarako partidan aurretik irabazle izan zirenek galtzea, baina atzo Hernaniko Galarreta pilotalekuan ez zen halakorik gertatu. Ezkurrak eta Ionek, Urriza eta Lizasoren aurka jokatu zuten jaialdiko estelarrean, eta, estu-estu bada ere, Ezkurra eta Ion izan ziren nagusi, 40-39. San Fermin torneoko finalerdietako kitarako partida zen atzokoa. Ezkurrak eta Ionek 40-33 irabazi zuten orduan, eta atzo ere ez zuten barkatu.
Oso partida parekatua izan zen atzokoa. Datu bat nahikoa da parekotasun hori islatzeko: 23nakotik aurrera hamalau berdinketa izan ziren. Azkena, noski, 39nakoa izan zen, eta tentsioa goren-gorenean zegoenean, bi pareta eder batekin amaitu zuen partida Ezkurrak.
Ezkurra eta Ion irabazle Galarretan, Urriza eta Lizasoren aurka (40-39)
San Fermin torneoko finalerdian ere elkarren aurka aritu ziren, eta Ezkurrak eta Ionek irabazi zuten 40-33
Iruzkinak
Ez dago iruzkinik
Ordenatu
