Sorpresa batekin hasi da 2015eko Frantziako Tourra. Faborito guztien aurretik, Rohan Dennis BMC taldeko txirrindularia izan da azkarrena Utrechteko erlojupekoan. Hura izan da ia hamalau kilometroko ibilbidea egiteko hamabost minutu baino gutxiago behar izan dituen bakarra (14:56).
Bost segundora helmugaratu da Tony Martin, eta seira Fabian Cancellara. Tom Dumoulin izan da laugarrena, zortzi segundora. Jonathan Castroviejo izan da euskal txirrindularien artean azkarrena, seigarren postuan sailkatuta. Thibaut Pinot izan da onena podiumerako lehian.
Utrecht eta Zelande artekoa izango da bigarren etapa; 166 kilometro egingo dituzte txirrindulariek, mendaterik gabe.
