Fabian Cancellarak (RadioShack-Nissan) irabazi du gaur Frantziako Tourreko aitzin-etapa. Erakustaldia eman du, eta 7.13 minutuko denbora egin du. Bigarren sailkatu da Bradley Wiggins (Sky) zazpi segundora, eta denbora berarekin hirugarren Sylvain Chavanel (Omega Pharma-QuickStep).
Orain zortzi urte bezala Liejako kaleetan barrena egin da aitzin-etapa. Cancellarak irabazi zuen orduan ere, Lance Armstrongi bi segundo aterata.
Ibilbidean, Gorka Verdugo Euskaltel-Euskadiko txirrindularia lurrera erori da, eta erietxe batera eraman dute. Biribilgune batean izan du ezbeharra, pedalei eragiten ari zela lurra jo du eta lurrera erori da.
Bihar korrituko dute itzuliko lehen etapa: Lieja-Seraing (198 kilometro).
Orain arteko etapak
- Aitzin-etapa: Lieja (erlojupekoa). Irabazlea: Fabian Cancella. Liderra: Fabian Cancella.
