Faboritoek bide laua izango dute Txapeldunen Ligako lehen fasean

Faboritoek ez lukete arazorik izan behar Txapeldunen Ligako lehen fasean aurrera egiteko. Urtero multzoren bat nabarmendu ohi da, gainerakoak baino indartsuagoa izaten delako, baina aurten ezin daiteke halakorik esan. Atzo egin zen zozketa, Monakon, eta talde sendoenei lagundu zien. D multzoa da, akaso, gogorrena, baina Real Madrilek eta Manchester Cityk ez lukete sufritu beharko Ajax eta Borussia Dortmund kanpoan uzteko.

A multzoan, PSG da indartsuena; aurtengo udan diru asko gastatu du hainbat jokalari fitxatzen. Frantziako taldea izan daiteke Txapeldunen Ligako ezustekoa. Chelsea aurreko sasoiko txapelduna da, eta hura ere saiatuko da titulua irabazten. Bayern Munichek —Javi Martinez dago han—, berriz, aurreko sasoiko arantza atera nahiko du. G multzoan, Bartzelona faboritoen tartean dago.