Fabricio Gonzalez Fabri-k dimisioa aurkeztu du gaur Alaveseko entrenatzaile bezala eta Dimitri Piterman presidenteak onartu egin dio. Fabrik oraindik ez ditu arrazoiak jakinarazi jendaurrean, baina ez zegoen batere gustura Pitermanekin, hau lehen taldearen kirol arloan sartzen zelako etengabe.
Klubak urtarrilaren hasieran fitxatu zuen Fabri, Chuchi Cos-en partez.
Alaves 9. postuan dago Espainiako Bigarren A Mailan, 37 punturekin. Hamar puntura dauka igoera postua eta bederatzira jaitsierakoa. Azkeneko jardunaldian 1-2 irabazi zuen Tenerifen. Larunbat honetan etxean du partida, Murtzia bigarren sailkatuaren kontra, 18:30ean.
Futbola
Fabrik utzi egin du Alaveseko entrenatzaile postua
Iruzkinak
Ez dago iruzkinik
Ordenatu
