Federerrek ezin Vilasen marka hautsi

Roger Federer suitzarrak ezingo du Guillermo Vilas argentinarraren marka historikoa hautsi: 41 garaipen zeramatzan segidan, Vilasek 47 lortu zituen, baina gaur galdu egin du Indian Wells torneoan, Guillermo Cañas argentinarraren kontra, bigarren kanporaketan (5-7 eta 2-6).

Vilasek duela 30 urte jarri zuen marka, eta aukera ona zeukan Federerrek hausteko. Gaurko partidan hanketako minekin ibili da, medikuen laguntza eta dena behar izan du, eta galdu egin du.

Indian Wellsera iritsi aurretik, suitzarrak Ameriketako Estatu Batuetako Irekia, Tokiokoa, Madrilgoa, Basileakoa, Masters Kopa, Australiako Irekia eta Dubaikoa segidan irabazi zituen.