Fernandez de Larreari ebakuntza egingo diote

TXIRRINDULARITZA. Paris-Bourges lasterketan erori egin zen Koldo Fernandez de Larrea Euskaltel-Euskadikoa joan den ostegunean. Etxean dago jada, baina medikuarenean izan zen atzo, eta ebakuntza egin beharko diotela jakinarazi zioten. Lepauztaia hiru tokitatik dauka apurtuta, baita eskuin masaila ere, eta hiru hortz galdu ditu.