Fernandez eta Martinez, zilarrezko dominaren jabe

BELA. Xabi Fernandezek eta Iker Martinezek zilarrezko domina lortu zuten atzo 49er proban, Olinpiar Jokoetarako atariko estropadan. Proba 2012ko Londresko Olinpiar Jokoetako eremuan jokatu zen, Weymouth eta Portlandeko uretan, eta euskal marinelek lan txukuna egin zuten. Hiru aldiz munduko txapeldun izan direnek eremua ongi ezagutzeko baliatu zuten estropada.