Marcelo Bielsa Athleticeko entrenatzaileak Espanyolen aurkako Espainiako Ligako partidako deialdian sartu du Fernando Llorente aurrelaria, denboraldian lehen aldiz. Llorentek Athleticekin kontratua berritzeari uko egin izanak polemika eragin du, eta jarraitzaile batzuek jokalaria ez dute ondo hartu Lezamako entrenamenduetan.
Llorente, azken asteetan, hanka bateko giharretako arazoekin izan da. Bielsak iragarri du ez duela titular jokatuko.
Bihar jokatuko da Espanyol-Athletic partida, Bartzelonan, 12:00etan.
