Finalerdietan sartu den %65etan finala jokatu du gero Athleticek

Athleticek 43. aldiz jokatuko ditu Espainiako Kopako finalerdiak. Orain arteko datuak ez dira batere txarrak, eta itxaropentsu egoteko moduan daude Athleticeko zaleak. Izan ere, zuri-gorriak finalerdietan sartu diren 42 kasuetatik 28tan sailkatu dira gero finalerako. Hau da, %67tan. Eta 28 kasu horietatik 18 aldiz irabazi du finala. Finalerdietan sartu den kasuetan, %43tan izan da gero txapeldun. Athleticek 1983-1984 denboraldian irabazi zuen azkenekoz Kopa.

2008-2009 denboraldian jokatu zituen azkeneko aldiz finalerdiak, Sevillaren aurka. Zuri-gorriek 2-1 galdu zuten Sevillan, joaneko partidan, eta 3-0 irabazi zuten astebete geroago, San Mamesen, Javi Martinez, Llorente eta Toquerok lehen zatian sartutako golei esker.