Aurtengo denboraldiari hasiera eskasa eman zion Alavesek Valladoliden kontra galduta (2-4). Bost hilabete geroago egoera guztiz ezberdina da, baina Chuchi Cosek zuzentzen dituen jokalariek orduko zorrak kitatu nahi dituzte aurkariaren etxean (12:00, C+ E). Azken partidako talde berbera erabiliko Cosek, Valladolid igoera lortzeko aurkari zuzena baitu oraindik.
Gasteiztarrek ez dute aukerarik izan gaurko partida behar bezala prestatzeko. Elurteak zelai txiki batean lan egitera behartu ditu, eta, ondorioz, hamaikakoarekin lan egin gabe zelairatuko dira gaur. Horrek arazoak sor ditzake Valladolid bete-betean zelairatuko baita Bigarren Mailako liderrarekin duen aldea txikitzeko.
FUTBOLA. ALAVES. Alavesek zorrak kitatu nahi ditu Valladoliden
Valladoliden kontra irabazita, nabarmen indartuko litzateke Gasteizko taldea 2. Mailako lehen postuan
Iruzkinak
Ez dago iruzkinik
Ordenatu
