FUTBOLA. Alaves igoera postuetan da, Xerez menderatu ondoren

Garaipen garrantzitsua lortu zuen atzo Alavesek Xerezen kontra, Mendizorrotzan 2-0 irabazi ondoren igoera postuetan sartu baitira gasteiztarrak. Emaitzari erreparatuta partida erosoa izan zela pentsa badaiteke ere, asko sufritu zuten arabarrek, Xerezek denbora askoan mendean izan baitzuen partida. Zelai erdia bere egin zuten, eta jokoaren erritmoa eurek jarri zuten, baina Alaves izan zen atera gerturatzen lehena.

Bigarren zatia arte itxaron behar izan zuen Alavesek, taldea antolatu eta zerbait egiteko. Bajici bi minutuan bi txartel hori atera zizkion epaileak, eta erabakigarria izan zen. De Lucasek penalti bat huts egin zuen, baina 82. minutuan gola sartzea lortu zuen, eta horrekin partida bideratzea ere bai. 91. minutuan Nenek sartu zuen arabarren bigarrena.