FUTBOLA. ALAVES. Lidergoa hartzeko asmoz jokatuko du Alavesek gaur Sportingen kontra

Alaves Bigarren Mailako lidergoa eskuratzen saiatuko da gaur, Sportingen kontra jokatuko duen partidan. Horrela, lehen itzulia sailkapenburuan bukatuko luke, horrek suposatzen duen konfiantzarekin. Nahiko zaila izango da, hala ere, eurek irabaziagatik Cadizek galdu egin beharko lukeelako, baina Xixonen partida irabaziz gero, bigarren itzuliari begira joko ona egiten jarraitu ahal izateko oso garrantzitsua izango da.

Chuchi Cos entrenatzaileak aurrean talde zaila izango dutela esan du, «asturiarrek dinamismo handia dute, eta batere lotsarik gabe jokatzen dute». Dena den, presioari aurre egitea espero du, eta punturen bat, behintzat, lortzea: «Presio handia egiten dute, baina kontraeraso onen bat egiten badugu, aukerak izango ditugu, oso gora joaten baitira, eta horrek zuloak egiten ditu atzealdean».